Por lerni lingvon oni bezonas la uzkuntekston de la vortoj: ekz. verbojn kaj adjektivojn kiujn kutime oni uzas kun iu substantivo. La vortoj de la sama semantika kampo utilas povi paroli pri situacioj (veturado, loĝado, lernado ktp.) kaj kune pli facile enmemorigeblas. La aŭtorino planis priskribi la mondon en diversaj laŭtemaj ĉapitroj de SET (Strukturita Esperanta Temvortaro), kie la akso inter diversaj etnaj lingvoj estas Esperanto, ĝi funkcias kiel interkultura mapilo. La paperaj versioj pretiĝis por la Angla-Esperanta-Hungara vortaro, iuj ĉapitroj ankaŭ por la Germana-Esperanta-Pola versio. La novaj elementoj de SET estas la Anglaj-Esperantaj-Ĉinaj vortaroj (kun kontribuo de ĉinaj studentoj de la Interlingvistikaj Studoj de AMU). Por kolekti la vortojn por la nun ellaborataj versioj (homo, sano, malsanoj) la artefarita intelekto estas jam eluzata. Pretiĝas ankaŭ ĉeĥa versio.

Milan Kolka ellaboras la retan version kiu ebligas pli facilan trarigardon de la vortaj kuntekstoj (post klako de butonoj), necesaj por la ĝusta uzo, la aperigon de la plej gravaj elementoj de la donita temo kaj ankaŭ rapidan retrovon de elementoj. Novaĵo estas la elekteblo de iuj ajn lingvoparoj aŭ triopoj por konsultiĝo (ne nur la originaj versioj). Novaj elementoj estas aldoneblaj kaj novaj lingvoj planataj.