Gilbert NIYUKURI kuracisto ĉe Rumonge hospitalo en Burundo. Mi konatiĝis kun Esperanto en 2004 pere de mia frato kaj komencis ĝin lerni en 2005. Tuj post diplomiĝo kun instrukapabla nivelo mi ekinstruis la lingvon ekde 2006. Pro lernaj kialoj mi ne sufiĉe partoprenis en la movado sed nacie mi provis disvastigi la lingvon kien ajn mi iris: en Lycee Rumonge kie mi starigis klubon, en Ngozi Provinco kaj en Bujumbura mi diskonigis Esperanton al multaj junuloj. Nuntempe mi gvidas Junularan Esperantistan Burundan Organizon (JEBUO), landan sekcion de TEJO. Mi ankaŭ estas Komitatano A de TEJO por Burundo.