Temas pri grava etapo en la koloniigo de la Afrika kontinento kiu forte influis la historion de multaj landoj. Oni nomas ĝin ankaŭ la Berlina Kongo-Konferenco, kaj ne nur en Kongolando ĝi restas konata kiel simbolo de imperiismo. Ĉu Bismark, kiu invitis al la konferenco, estis la spirita majstro de koloniismo, dispeciganto de tuta kontinento kiel lin montris fama karikaturo? Kiun influon ĝi havis al Afriko, kiun al Eŭropo?

En la jaro 2024, certe tiu kongreso estos memorigata pro la ronda datreveno, ĝi inspiros debatojn. Mi interesiĝas pri ĝi kiel germana diplomato kiu servis en diversaj Afrikaj landoj, inter alie en Tanzanio kaj en DR Kongo. La kolonitempo ŝajnas al ni malproksima kaj fremda kun sia rasisma kredo pri la supera civilizacio, sed en la nuntempo plifortiĝas la deziro prilumigi ĝin, sanigi malnovajn vundojn. Al tio mi volas kontribui, UK en Afriko bone taŭgas por diskuti pri koloniismo kaj senkoloniigo.