Naskiĝis en Havano (1955). Doktoro pri Kemio (UC Santa Barbara, 2005) kaj profesoro pri kemio ĉe Santa Rosa Junior College. Esplorinteresoj rilataj al x-radia abosrbada spektroskopio kaj al neŭtrona difraktado kaj ties apkikado al studado de diversaj materialoj je la nanometra skalo. Esperantisto ekde 1984. Preleganto por la 75a UK, reĝisoro de la Kongresa Temo (98a UK Rejkjaviko), organizanto de la Esperantologia Konferenco (Lillo, 100a UK), preleganto en la Internacia Kongresa Universitato de la 88a UK (Goteburgo), Havano en la 95a UK, Bonaero (99a UK) kaj Lillo (100a UK). Ekloĝis en Usono en 1994, kaj tuj ekaktivis en la loka (San Franciska golfo), Kaliforia kaj tutlanda movadoj. Prezidanto de la landa asocio Esperanto-USA (2010 ĝis nun) Instruis en Somera Kursaro ĉe Universitato de Kalifornio San Diego (2010). Elektita al la Akademio de Esperanto (2016).