Xavier Alcalde estas esploristo pri pacaj studoj ĉe la Internacia Kataluna Instituto por Paco. Li ankaŭ instruas pri la ekonomio de Eŭropa Unio ĉe la Aŭtonoma Universitato de Barcelono. Li doktoriĝis pri politikaj kaj sociaj sciencoj je la Eŭropa Universitata Instituto en Florenco, Italio. Li publikigis ĉapitrojn kaj artikolojn pri malarmado, sociaj movadoj, pacismo kaj lingvaj konflikoj en internaciaj revuoj en la angla (ekzemple Global Politics aŭ Babel), en la hispana (ekzemple Revista Española de Investigaciones Sociológicas aŭ Revista Internacional de Sociología kaj en la itala (ekzemple Partecipazione e Conflitto). Li partoprenis kiel ekspertulo internaciajn intertraktadojn, kiel la malpermeso de prapolbomboj aŭ la traktato pri komerco de armiloj.

En Esperantujo li sukcese trapasis la ekzamenon ILEI C1 en 2013. Li publikigis artikolojn en Monato, Revuo Esperanto, Usona Esperantisto, Libera Folio, La Ondo de Esperanto, Sennaciulo, ktp. Li kunredaktas Kataluna Esperantisto, fakan revuon pri socilingvistiko kaj interlingvistiko en la kataluna. Pri lingva justeco kaj lingvaj konfliktoj li jam prelegis en katalunaj, hispanaj, mezorientaj kaj SAT-kongresoj. Li verkis longan kaj detalan raporton por ESF pri la diversaj eliroj al lingva justeco troveblaj en la fakaj literaturoj. Li nune esploras pri lingva justeco en historiaj periodoj (inter aliaj, en la Ligo de Nacioj) kaj pri la historio de la esperanta movado (ekzemple dum la Unua Mondmilito).