Samjare kun la unua Universala Kongreso, en 1905, juna germana sciencisto nomata Albert Einstejn publikigis novan teorion kiu revoluciigis nian komprenon de spaco kaj tempo: la Speciala Teorio de Relativeco. Dek jarojn poste, en 1915, li publikigis multe pli vastan teorion kiu inkluzivis ankaŭ la graviton - la Ĝenerala Teorio de Relativeco. La scienca mondo iom dubis pri ĝia valideco ĝis la sensacia pruvo per la observado de la suneklipso en 1919. Sekve Einstein fariĝis tutmonda simbolo de genieco. En la Dua Mondmilito la atombombo demonstris en terura maniero lian plej faman ekvacion – E=Mc². En la sepdekaj astronomoj malkovris la unuan nigran truon, enigma konsekvenco de la Ĝenerala Teorio de Relativeco, kiu ĝis tiam estis konsiderata nereala. Fine de la naŭdekaj astronomoj trovis ke la universa ekspansio estas akceliĝanta, kontraŭe al tio, kion la kosmologio kredis dum ĉ. sepdek jaroj. Sekve oni devis reakcepti en la modelon de la Praeksplodo (angle: Big Bang) la Kosmologian Konstanton kiun Einstein proponis okdek jarojn pli frue kaj kiun li konsideris "la plej granda eraro de sia vivo". IKU/AIS 1: La scienca revolucio de Einstein en historia perspektivo. De la "Mirakla Jaro 1905" ĝis la atom-bombo, nigraj truoj kaj la akcelanta universo IKU/AIS 2: La Speciala Teorio de Relativeco - simpla prezentaĵo por laikoj IKU/AIS 3: Kio vere estas nigraj truoj - la plej ekzotika kaj mistera konsekvenco de la Ĝenerala Teorio de Relativeco - kaj kie oni trovis ilin?