Genetika modifo (aŭ transgena modifo) estas teknologio intence transplanti genan pecon de unu kreskaĵo al alia por modifi ties karakteron, por ke la cela kreskaĵo havu karakteron de la antaŭa. Geno estas elementa ero el genetikaj informoj transdonita de individuo al sia ido per seksa aŭ senseksa reproduktiĝo. Ido heredas identigeblajn apartajn trajtojn de la gepatroj tra genoj. Genetike Modifita Organismo (GMO) estas biologia organismo kies genetika materialo estis intence modifita.

Ekde nasko de la unua genetike modifita planto en 1983, genetika modifa teknologio estas vaste aplikata en agrikultura produktado. La transgenaj plantoj rapide disvastiĝas tra la mondo. Laŭ raporto de Internacia Servo por Akiro de Agronomiaj-bioteknologiaj Aplikoj (ISAAA), la areo de transgenaj plantoj atingis 170 milionojn da hektaroj en 27 landoj en 2013.

Ĉu tio estas bono au katastrofo por daŭripova agrikulturo? Ĉu GMO estas sekura por homaro? Pri tiu temo ekzistas disputo ĉie en la mondo. Ni ofte aŭdas diversajn voĉojn apogajn kaj kontraŭajn de registaroj ĝis neregistaraj organizoj, de sciencistoj ĝis ordinaraj popolanoj.

La transgena teknologio donas al ni eblecon produkti tomatojn kun geno de lakta bovino, facile transporteblan kaj longtempe konserveblan, kapablon produkti tritikojn kun genoj de araneoj, per kiuj oni povus elkuiri kaj longajn kaj maldikajn nudelojn, povon produkti kokojn kun kvar aŭ pli da kruroj aŭ flugiloj laŭ homaj bezono kaj imago, ĉar la viando el kruroj kaj flugiloj pli plaĉas al ne-malmultaj homoj, ekzemple en Ĉinio. Ĉu vi deziras aŭ kuraĝas preni tiajn manĝaĵojn? Ĉu GMO detruas aŭ plibonigas daŭripovan agrikulturon? Ĉu ni devas daŭrigi aŭ haltigi disvastigon de GMO? Jen la prelego de ĉina agronomo s-ro Trezoro Huang Yinbao.