Francesco Maurelli estas esploristo ĉe la universitato Heriot-Watt de Edinburgo, Skotlando, kie li nun ĉefe mastrumas la europan projekton Pandora, kiu celas daŭran memregecon kaj konscion en subakvaj robotoj – persistentautonomy.com . Laborante pri la temo ekde 2007, li aktive partoprenis en la Europa projekto FREEsubNET, kie li respondecis pri laborpakaĵoj pri memrega navigado kaj alkroĉiĝo, ĉefkontribuis nome de la universitato por SEAS-DTC Exemplar I, pri multrobota kunlaboro, cele al memrega kontraŭbomba agado, aktive kontribuis al MoD Competition of Ideas kaj al la pria trisemajna testado en skota lago, ĉefrolis en projekto kunlabore kun DRDC Kanado pri multrobota arkitekturo. Li estas ĉeforganizanto de internacia seminario pri daura memregeco en subakva robotiko, kadre de la ĉefa monda konferenco pri robotiko (Junio 2014). En 2009 li gvidis teamon por konkurso inter subakvaj robotoj – SAUC-E , kiu atingis la unuan lokon, kaj la postan jaron partoprenis en la teamo, kiu atingis la duan lokon. Antaŭ ol pritrakti subakvajn robotojn, li interesiĝis pri memregaj aŭtomobiloj. Li esploris pri la temo ĉe Fraunhofer Institut IAIS en Sankt Augustin, Germanio, kaj ĉe la Sud-Okcidenta EsplorInstituto en San Antonio, Usono, kie li partoprenis en la unua fazo de la Darpa Urba Defio, kun Team Berlin. Temas pri konkurso inter memregaj aŭtomobiloj. Li ĉefrespondecis pri tridimensia laserskanilo uzita por stratrekonado, obstakloanalizo kaj memrega decido ĉe vojkrucoj. Li verkis pli ol trideko da sciencaj artikoloj por prestiĝaj internaciaj konferencoj kaj fakaj sciencaj ĵurnaloj, kunautorante kun aliaj 47 esploristoj en 10 malsamaj landoj, kaj prezentante siajn sciencajn esplorojn al internacia publiko en kvin kontinentoj kaj 17 ŝtatoj.