La Esperanto-redakcio de Pola Radio kaj la Estraro de UEA varme dankas ĉiujn, kiuj jam skribis al la Pola Radio aŭ polaj reprezentejoj por apogi la daŭrigon de la Esperanto-elsendoj. La nombro de leteroj kaj retmesaĝoj multe kreskis lastatempe, sed ĉar la sorto de la elsendoj ankoraŭ ne estas decidita, necesas energie daŭrigi la kampanjon. La fina decido dependos de la pola ministerio pri eksterlandaj aferoj. Pro tio necesas koncentri la kampanjon al la polaj diplomatiaj reprezentejoj tra la mondo, kiuj siavice raportos al la ministerio pri la ricevitaj reagoj. UEA alvokas al individuaj esperantistoj, lokaj kluboj kaj landaj asocioj skribi al la pola ambasado en sia lando por pledante por la daŭrigo de la Esperanto-elsendoj de Pola Radio. La adresoj de la polaj diplomatiaj reprezentejoj troviĝas en:
http://www.msz.gov.pl/Polish,Missions,Abroad,2143.html