Kvankam la vendosumo de la libroservo en la Montpeliera UK, iom pli ol 120 000 gld., ŝajnis malfacile superebla rekordo, ĝi perdis la unuan lokon jam en la sekva UK. La libroservo de la Berlina UK registris novan rekordon: 130 000 gld. (59 000 eŭroj). Tio estas des pli rimarkinda, ĉar la Berlina UK nombris malpli da partoprenantoj ol la Montpeliera. En Montpeliero la kongresanoj butikumis en la libroservo averaĝe por 40 gld.; en Berlino ili elspezis 52 gld.

Pli abunda sortimento influis la kreskon. En Berlino eblis elekti inter 1800 titoloj de libroj, inkluzive kelkdekon da kasedoj, diskoj, vidbendoj, insignoj k.a. esperantaĵoj. En Montpeliero la nombro estis 1500.

Ĉi-sube aperas listo de la 25 plej furoraj titoloj. Eldonaĵoj de UEA kaj TEJO estas markitaj per asterisko.

1. Internacia Kongresa Universitato 1999 (prelegaro) * 142
2. Homaj rajtoj: demandoj kaj respondoj, Leah Levin * 100
3. Grosses Wörterbuch Esperanto-Deutsch, E.-D. Krause 84
4. Ĉiuj kune (aktoj de la Strategia Forumo en Montpeliero) * 64
5. Lingva arto (omaĝe al Auld kaj Boulton), red. V. Benczik * 60
6. Internaciaj ekzamenoj de ILEI/UEA (gvidilo) * 56
7. Pasporta Servo 1999 (listo de gastigantoj) * 54
8. Apartaj mondoj: verboj kaj participoj, G. Mattos 48
9. Kio ni estas kaj kion ni celas? (Pri la Praga Manifesto) * 44
10. Esperanto: Das neue Latein der Kirche, U. Matthias 44
11. Okulo, S. MacGill (lernolibro, proveldono) 42
12. Spirito de E-o kaj la samideanaj malamikaĵoj, I. Bociort * 40
13. Die gefährliche Sprache, U. Lins 39
14. La Jaro 2000 (poŝkalendaro de MONATO) 39
15. William Auld - 75 jaroj, red. A. Korĵenkov 34
16. Liberigo / Eine Befreiung, Karl May 32
17. Ni tostu la verdan fortunon, G. Handzlik (KD) 32
18. Al lingva demokratio, red. M. Fettes & S. Bolduc * 31
19. Taschenwörterbuch Deutsch-Esperanto 30
20. Esperanto-Wörterbuch, U. Matthias 30
21. Esperanto als Ratespass, U. Matthias 29
22. Saluton! Esperanto aŭtodidakte, A. Childs-Mee * 29
23. Faŭsto, J.W. von Goethe, trad. K. Schulze 28
24. La ŝtona urbo, A. Löwenstein (orig. romano) 27
25. Berlino por turistoj, U. Becker 27