La 88-a UK tradicie ricevis salutmesaĝon de Unesko. La teksto de ĝi estas trovebla ĉi tie: http://uea.org/dokumentoj/salutado.html

La teksto de la salutparolado de Louis C. Zaleski-Zamenhof estas ĉi tie: http://uea.org/dokumentoj/salutparolado.html

Resumoj de kelkaj salutoj ne anoncitaj en Gotenburgo:

De la ambasadoro de Italio, Giulio Cesare Vinci Gigliucci :

"… mi estas kontenta, ke la Itala Esperanto-Federacio ĉeestos... kaj la itala kandidateco estos prezentita, ke Florenco estu la loko de la UK en 2006. Estas tre altkvalita kandidatiĝo, kiu kalkulas je la apogo de la urbestro de Florenco, Leonardo Domenici, kaj la prezidento de la regiona konsilio de Toskanio, Riccardo Nencini... Bonvolu transdoni miajn bondezirojn al ĉiuj partoprenantoj de la kongreso… por antaŭenigi Esperanton kiel instrumenton de intelektaj rilatoj inter homoj de diversaj landoj kaj de kunlaboro inter popoloj."

De la ambasadoro de Kroatio, d-ro Branko Caratan :

"Mi bedaŭras [ke mi ne povos ĉeesti] eĉ des pli, ĉar la reprezentantoj de la Respubliko Kroatio ankaŭ partoprenos en la Kongreso. Ĉiukaze, mi deziras al vi, la organizanta estraro, kaj al ĉiuj partoprenontoj de la gotenburga Esperanto-kongreso, ĉian sukceson en via laboro, kiu tre gravas en transkulturaj rilatoj."

De la sveda profesoro Daniel Tarchys:

"Mi kun granda plezuro ĉeestus... Se mi partoprenus, mi estas certa, ke neniu interpretanto necesus. La sola UK, kiun mi ĉeestis, estis en Kopenhago en 1956, kaj kvankam mia aktiva regado velkis, la lingvo estas ankoraŭ facile komprenebla."

De Hiwa Karimi, E-kursgvidanto en Baneh, Kurdistano (Hiwa_Karimi@.spamaĵo?hotmail.com)

"Samtempe kun la komenciĝo de la plej granda jarkunveno de la esperantistoj en Gotenburgo, ĝoje mi informas vin, de la 19-a julio la unua kurso de Esperanto-instruado en Irana Kurdistano en la limurbo "Baneh" kun partopreno de pli ol dudek kvin personoj komenciĝis.

Mi ĉi tiun sukceson donacas al vi kaj ĉiuj partoprenantoj en UK."