La 9-a Tutamerika Kongreso de Esperanto okazos en Bogoto, Kolombio, inter la 9-a kaj la 15-a de Julio 2016. Samtempe estos okazigata la 22-a Kolombia Kongreso de Esperanto, kio igas tiun aranĝon historie unika kaj tial neforgesebla evento. En la ĵus enretiĝinta retpaĝo troviĝas informoj pri la kongreso, pri la kongresa temo kaj pri la kongresurbo. Se tiomo da informo ne sufiĉus al vi, vi povus krome ĝui jutuban filmeton reklamantan la kongreson.