Se vi ŝatus helpi al la organizado de Universala Kongreso, kiu eniros en la historion kiel la unua en nova kongrescento, jen prezentiĝas ideala oportuno: La LKK serĉas junan (17-30 jaraĝan), vojaĝeman esperantiston el eŭropunia aŭ najbara lando, kiu pretas helpi al la organizado de la plej grava aranĝo en Esperantujo dum 14-59 tagoj (laŭ la prefero kaj disponeblo de la volontulonto). La kostoj por loĝado, manĝado, asekuro kaj vojaĝo estos kovrataj de Eŭropa Unio kadre de Eŭropa Volontula Servo (EVS). Aliĝu ĝis la 17.01.2016 ĉe: bit.ly/UK2016evs.