Algirdas Butkevičius, ĉefministro de Litovio, konsentis esti Alta Protektanto de la 52-aj Baltiaj Esperanto-Tagoj, kiuj okazos de la 2-a ĝis la 10-a de julio 2016 en la litova kuracurbo Birštonas. Estante ĉefministro ekde 2012, Butkevičius jam pli frue en sia politika kariero subtenis Esperanton, grave rolante en la disponigo de registara financa helpo por la organizado de la 90-a Universala Kongreso de Esperanto en Vilno.

Laŭ komuniko en la novaĵretejo “La Balta Ondo”.