Komence de tiu-ĉi jaro, la pollanda registaro proponis al Unesko envicigi la 100-an datrevenon de la morto de L.L. Zamenhof inter tiujn, kies prifestadon Unesko aŭspicios. La propono, apogata krome de Slovakio kaj Germanio, laŭ la Ĝenerala Direktoro de la organizo plenumas la kriteriojn por esti asociata kun ĝi. Pri akcepto de la propono decidos la Ĝenerala Konferenco kunvenante en Parizo de la 3-a ĝis la 18-a de novembro 2015.

Laŭ Gazetaraj Komunikoj de UEA, N-ro 588 (2015-09-27).