Sub la gvido de Chuck Smith, ekde novembro 2014 okkapa teamo laboras pri Esperanto-kurso ĉe la lingvolerna retejo “Duolingo”. La 28-an de Majo 2015 la kurso lanĉiĝis en “beta”-versio. Jam pli ol 100.000 homoj lernas Esperanton per Duolingo. Por montri al la novbakitaj Esperantistoj la viglecon de la Esperanto-kulturo, la teamo krome regule okazigas ‘Ask Me Anything’-sesiojn kun famkonataj Esperantistoj (inter aliaj jam gastis Bertilo Wennergren).