La TTT-ejo de la 72-a IJK okazonta en Vroclavo jam enretas. Ĝi enhavas kelkajn bazajn informojn pri la kongreso, kies temo estos ‘#aktivado’. Plurflanke la kongresanaro dediĉos sin al demandoj, kiuj koncernas la retan aktivadon de neregistaraj organizoj: Komunikado, informado, monakirado kaj reta ĉeesto estas nur kelkaj aspektoj de tiu-ĉi alloga temo, kiu grave rolos en la estontecaj agadoj de ĉia (junulara) NRO. Trovu pliajn detalojn sur la kongresa retejo kaj vizaĝlibre. Vroclavo atendas vin!