En novembro 2012 komenciĝis nova maniero esperantumi: la Verdaj Skoltoj.

Ni estas adoleskuloj de 11 ĝis 17 jaroj. Ni kunvenas dum multaj semajnfinoj kaj somere dum unu tuta semajno.

Kiel ĉiuj skoltoj tra la mondo, ni ludas, fajre kuiras, kantas, amuziĝas, vivas en la naturo kaj travivas aventurojn!

Ĉar ni estas internacia grupo, Esperanto estas nia sola komuna lingvo.

Ni havos budon dum LaSemo (muzikfestivalo) kaj dum la Movada Foiro (UK). Kaj ni kunorganizas Internacian Infanan Kongreseton. Pli da informoj kaj nian kalendaron vi trovos en nia retejo: https://verdajskoltoj.wordpress.com/bonvenon-eo/