- Ni kreis novan diskutliston ''interkant-amikoj'' por informi la simpatiantojn pri la ĉefaj eventoj de nia asocio. Se vi deziras aliĝi tiun liston, bv. sendi malplenan mesaĝon al interkant-amikoj-subscribe ĉe yahoogroupes.fr

- Nia venonta staĝo okazos kiel planite, de la sabato, la 4-a de aprilo ekde la 10-a ĝis la merkredo, la 8-a de aprilo, ĝis la 16-a (eblas alveni vesperon de la 3-a de aprilo) en Grésillon. Tie kaj tiam ni finpreparos nian spektaklon por Lille2015, tio estas ero de pli impona spektaklo pri la historio de Esperanto. Ĉar ni decidis jam antaŭ unu jaro, ke iu ajn povas membriĝi iam ajn en la grupo, vi povas kompreneble partopreni tiun staĝon kaj vi povas venigi ankaŭ aliajn homojn, novajn esperantistojn. Nia spektaklo entenos kantojn, dancojn, muzikojn, teatraĵojn.

Samtempe en Grésillon kunvenos La Kompanoj por ekzercadi pri sia stratkantado en Lillo; tio estas tre oportuna kaj ĝojiga okazo kunigi samloke muzikemulojn, kantemulojn, kaj de tio povos naskiĝi novaj kontaktoj kaj amikecoj. Kaj tio donos eblecon al la du grupoj interŝanĝi spertojn, fortojn, ideojn, havi komunajn atelierojn (ekzemple varmigo de la voĉoj)…, vi povas konsulti la TTT-ejon de La Kompanoj: http://lakompanoj.free.fr/ por havi informojn kaj partiturojn.

Vi povas aliĝi al tiu renkontiĝo rekte de la retejo http://gresillon.org

Vi alklaku la staĝon ''Interkant" en la kategorio ''kursoj'', tio signifas ke vi devos pagi po 10 € tage, sed kompense, vi rezervu ĉambron 6-litan, do po 9 € nokte kaj vi skribu en komento kian ĉambron vi deziras. Ĵanik respondecas pri la staĝo kaj kiel kutime aranĝos la kunĉambrigadon laŭ la deziroj.

Se vi havas problemojn por aliĝi, ne hezitu kontakti Manjo (manjo.clopeau ĉe gmail.com) aŭ Janik (jannick.huet ĉe free.fr).