Ĉi-jare TEJO refoje sendos subvencipeton por ricevi la administran subvencion de Eŭropo. La ricevo de tiu subvencio ebligus al TEJO ne nur stabilajn financojn, sed ankaŭ pli da agadoj, pli da projektoj. La Estraro de TEJO jam komencis verki ĝin kaj estrarano Veronika Poór partoprenos informan tagon en Bruselo por altigi la ŝancojn. Ĉu vi ŝatus helpi verki la subvencipeton, helpi TEJO-n kaj akiri utilajn konojn? Se jes, skribu al oficejo ĉe tejo.org!