Post unujara paŭzo (pro la ILEI-konferenco en julio 2013) denove okazos la Tradicia Oktobra Renkonto Pedagogia en Herzberg am Harz – la Esperanto-urbo. La celo estas pluklerigado per fakprelegoj, traktado de interesaj fakaj temoj, diskutado pri tendecoj, ebloj, novaĵoj de instruado de fremdaj lingvoj, ebligo de spertinterŝanĝo al gekolegoj, helpo per metodikaj-didaktikaj konsiloj al la malpli spertaj gekeolegoj, ktp.

Ĉeftemo: Libroj – Bildoj – Filmoj. Instruado per modernaj metodoj al moderna klientaro.

Kotizoj: 30 EUR (EGS-membroj), 45 EUR (GEA-membroj), 60 EUR (sen membreco), sen kotizo por GEJ-membroj. Aliĝu al TORPEDO 9 ĝustatempe!

TORPEDO estas organizata jam la 9-an fojon de AGEI kaj Germana Esperanto-Centro – Filio de GEA por Klerigado kaj Kultruo kaj la partopreno en ĝi kalkuliĝas ankaŭ kiel studmodulo en la klerigsistemo, do eblas akiri kreditpoentojn.

Detaloj pri la klerigofertoj, studmoduloj: http://ic-herzberg.de/page.php?pid=81093452

La interesaĵo de la ĉi-jara pedagogia-metodika seminario estos la tiam okazonta Herzberga Esperanto-Filmfestivalo la 4-an de oktobro, ekde la 19-a horo en la Kavalira Salono de la Welf-kastelo, en kiu pluraj etfilmoj, videaĵoj estos prezentataj ne nur por Esperanto-partoprenantaro, sed ankaŭ por germanlingva publiko. La spektantoj mem prijuĝos la filmojn kaj la plej bonaj en la konkurso ricevos valorajn premiojn.