La 14-an de junio, per la parola ekzamensesio en la brazila urbo Kuritibo, finiĝis la Tria Tutmonda Ekzamentago, en kiu partoprenis 164 personoj en 17 urboj en 12 landoj (detala statistiko haveblas en la retpaĝo).

En kvin lokoj okazis ankaŭ parola parto. Pasintjare ĝi jam okazis en Arras, La Chau x-de-Fonds, Limoges kaj Tecamac, dum ĉi-jare Curitiba unuafoje provis la novteknologian manieron realigi ĝin.

En junio kaj julio okazos la korektado kaj taksado. La atestilojn oni planas enmanigi dum la UK en Bonaero rekte al la ĉeestantaj sukcesintoj aŭ al la reprezentantoj de la ekzamenlokoj. Se ĉiuj ekzamenitoj sukcesos, la nombro de ĝisnunaj sukcesintoj atingos 1446 kaj la ronda nombro de 1500 povos esti atingita ĝis la fino de tiu ĉi jaro.

En julio kaj aŭgusto okazos tri ekzamensesioj.

(Laŭ edukado.net)
(Fonto: Gazetaraj Komunikoj, N-ro 545, 2014-06-28) Legu pli: http://uea.org/dokumentoj/komunikoj/gk.php?no=545