Jen eblo por fari la du samtempe (kaj eĉ helpi aliajn esperantistojn en siaj agadoj), dank' al la tema grupo de KER pri daŭripova evoluo.

Jen la proponataj agadoj de ĝi:

- analizi la dokumentojn de FoJE (Forumo Junulara-Eŭropa)

- analizi aliajn dokumentojn gravajn pri daŭripova evoluo tutmonde

- pripensi kiel eblas komprenigi la rolon de Esperanto en daŭripova evoluo

- difini la pozicion de TEJO rilate al daŭripova evoluo (krei dokumenton kiel la lingvopolitikaj pozicioj de TEJO)

- partopreni aktive la priteman grupon de FoJE

- partopreni aktive aliajn pritemajn okazojn

Por aliĝi klaku al https://groups.google.com/forum/#!forum/tejo-dauripovo-ker kaj petu aliĝon en la grupon. Se vi havas demandojn, komentojn, konsilojn, bonvolu skribi al ker ĉe tejo.org kaj kopie al hr ĉe tejo.org .