La Kulturaj Semajnfinoj de SEL estas aranĝoj kiuj serioze pritraktas kulturajn okazaĵojn. Prelegantoj parolas pri literaturo, aliaj lingvoj, muziko k.t.p. - Bedaŭrinde la partoprenataro pli kaj pli malkreskas pro manko de junuloj. Tial SEL pripensis starigi prelegserion "Antaŭenigi Esperanton per ..." ekz. "la instrumetodo de Andreo Cseh" (Ed Borsboom) aŭ "Vikipedio" (D-rino Niesert) aŭ "mojoseco". Tiu ĉi temo ankoraŭ ne trovis sian preleganton. Ni ŝatus trovi lingve spertan junul(in)on kiu konvinke klarigos kiamaniere kaj memkompreneble modernjunstile oni interesigu aliajn junulojn pri Esperanto, kion oni faru por instigi novulojn kunlabori en la movado kaj kion oni ŝanĝu en la strukturoj de la malnoviĝintaj kluboj. Ni ankaŭ bonvenigus du aŭ pli gejunulojn kiuj pretus sinsekve aŭ komune prelegi pri diversaj temoj. La aranĝo estos en Homburgo (Sarlando, Germanio). Se vi ŝatus kontribui (sole, duope, grupe) bonvolu kontakti nin! La sekvonta Kultura Semajnfino okazos inter la 27-a kaj 29-a de septembro. Legu pli: https://www.facebook.com/Sarlanda.Esperanto.Ligo aŭ http://www.esperanto-saarland.info/