Kiam vi verkas leteron, tekston por bulteno, blogo..., foje vi demandas vin, ĉu tio aŭ alio en ĝi estas lingve ĝusta, vi revas pri iu, kiu helpus vin. Jen nova kurso, konceptita laŭ la bezonoj de tiuj, kiuj sentas sin ne tute certaj dum verkado en Esperanto. Ĝi utilos al redaktantoj de bultenoj, retpaĝoj, al verkantoj, E-instruantoj kaj ĉiuj, kiuj deziras plibonigi diversajn aspektojn de sia verkado.

Kaj se vi mem ja ne sentas tiuspecan bezonon, eble... viaj konatoj aŭ eks-lernantoj bezonas helpon…La propono koncernas ankaŭ asociojn, kiuj bezonas lingve memstarajn aktivulojn.

PRI LA KURSO: Oficiala universitata kurso, okazanta vive, en Interreto, en junio kaj sept. 2013 (+ 4 aliaj semajnoj, laŭ elekto) kun sperta universitata instruistino. La lecionoj okazos 2-foje semajne. Planata komenco: 19 junio (la unua renkontiĝo).

ALIĜADO - ĝis la 18-a de junio, ankaŭ post tiu dato, se daŭre disponeblos lokoj. La HORO estas taŭga por esperantistoj el 5 KONTINENTOJ.

Pli da informoj: https://docs.google.com/document/d/11tZd-r470uOjg1l5lwmkf9rkCwD-Ys5Tu7s8WctPTwQ/preview.

Se vi decidis ALIĜI, bv. skribi al: esperanto.instruado.jag.univ.pl(ĉe)gmail(punkto)com.

Kore invitas vin, Maria Majerczak, Gvidantino de Esperanto-instruado en Jagelona Universitato