La ĉi-jara, 11-a SOMERE (Somera Mezeŭropa Renkontiĝo) okazos de la 2-a ĝis la 10-a de aŭgusto 2013 (vendredo ĝis sabato) en Dahlem-Baasem, Eifel-regiono, sude de Kolonjo. (Tie jam plurfoje okazis PRINTEMPE.) Estas bela domo kun propra naĝejo, supre de monto kun rigardo al vasta valo. Eblos tranokti en la domo kaj ankaŭ en (propra) loĝaŭto.

La programo estos simila kiel kutime: Dolĉa nenionfarado :-) interrompita per manĝoj - kutime bonaj en la domo - kafumado, babilado, baniĝo en la doma naĝejo, diversaj prelegoj kaj aliaj proponoj, lingvo-kursoj (prizorgos Gunter Neue), promenoj, ekskursoj en la regiono... Ni esperas, ke plaĉos al vi ankaŭ ĉi-jare :-)

Detalojn vidu ĉe http://esperantoland.org/somere/

Ĉu ŝatos veni ankaŭ vi?

Ĉion plej bonan al vi - kaj eble ĝis revidiĝo dum SOMERE

Lu Wunsch-Rolshoven