La bavara mezepoka urbeto Nördlingen (denove) bonvenigas vin! Komforta domo, simpatiaj mastroj kaj bonaj manĝoj garantias sukcesan kaj etosoplenan restadon. La urbo kun komplete konservita urba muro kaj la bele restaŭrita centro invitas al promenoj kaj senstreĉiĝo. Enkadre de IF okazos la 6-a Internacia Vintra Universitato (IVU). Pri pasintaj IF kaj IVU vi legu raportojn en 'revuo esperanto' aŭ en nia IF-paĝaro.

Karaj, dum 30 jaroj ni ofertis al vi renoman kaj allogan seminarion. Evidente nun indas pensi al ĝia fino: en 2013 ni invitas vin al nia jubilea kaj adiaŭa IF. Dum multaj jaroj, tradicie dum jarfino, okazis du paralelaj aranĝoj, IF kaj IS, kun malsamaj celgrupoj. Ekde kelka tempo aldoniĝis aliaj renkontiĝoj, intertempe nun kvar en Germanio, tri kun samaj celgrupoj; ĉu la multiĝo de aranĝoj kaŭzis la malkreskon de IF, ĉu nia koncepto elmodiĝis? Ni adiaŭas la tradicion de Internacia Festivalo kaj elkore bonvenigas vin al la jubilea kaj lasta IF! Festu kaj tostu kun ni!

HDP / Hans-Dieter Platz, (organizanto)

Vizitu nin en Interreto: http://www.internacia-festivalo.de