Somera Esperanto-Studado, aranĝota en Slovakio en julio, enkondukis "imposton" por viandomanĝantoj. Tiuj partoprenantoj de la aranĝo, kiuj elektos nevegetaran manĝon, pagos aldonajn 8 eŭrojn, kiuj estos uzitaj por eldono de vegetaraj receptoj en Esperanto kaj por subteni bestoprotektadon. Unue nomita “kruelo-imposto”, ĝi vekis viglan diskuton pri la valideco de krompago, kaj ĉefe pri valideco de tia nomo. Post iom da tempo la organizantoj ŝanĝis la nomiĝon al “verda rabato”: tiuj kiuj elektos manĝi sen viando, pagos 8 eŭrojn malpli. Legu pli: http://www.liberafolio.org/2013/kruelaj-viandomangantoj-pagos-pli