La tradicia somera Esperanto-renkontiĝo en la centro / mezo / koro (laŭ via plaĉo) de Germanujo ĉi-jare okazos jam la 23-an fojon. Komence en tendoj ĉe la bordo de la Lahn-rivero ĝi jam antaŭ multaj jaroj translokiĝis al la Naturamika kabano, kie ni pasigas semajnon en bona Esperanta etoso, foje ekskursante al la urbo, arbaro ktp. laŭplaĉe kaj kompreneble laŭ la vetero. Pliajn detalojn vi trovas en la reto: http://www.esperanto.de/KISO - pdf-dosiero presebla (aŭ se vi preferas: printebla) kiel papera informilo (4 paĝoj A5 sur du faldeblaj A4-paĝoj), kiun vi bv. pludonu en via Esperanto-amikaro, troviĝas rete rekte http://home.foni.net/~gunter/materialoj/KISO 2013 unua informilo.pdf. Ĉiukaze fartu bone kaj ĝis iam ie en Esperantujo.