TRE-EGE n-ro 7 okazos en urbokvartalo de Gladbeck, kiu estis loĝkvartalo de la ministoj, kiuj iam ĝis la 1960-aj jaroj laboris en la apudaj karbominejoj. El ĉi tiu epoko de relativa bonstato de la laboristoj restas ministaj loĝdomaroj, ŝutmontoj priplantitaj, sur kiuj oni povas promeni.

La renkontiĝo komenciĝos per komuna "pikniko" en la paroĥa domo apud la preĝejo, kie mi ludas orgenon. Tiun ĉi mi prezentos al vi kun ĝiaj teknikaĵoj kaj ludos sur ĝi. La programo estos tutcerte ne plenŝtopita, por ke ni havu sufiĉe da tempo por konversacioj. Vi ricevos ĝin kune kun vojpriskribo unu semajnon antaŭ la 4-a de majo. Pliaj informoj ĉe Ludger Schmeink (ludger-schmeink ĉe t-online.de)