La 21-a de februaro estis deklarita de Unesko en 1999 kiel la Internacia Tago de la Gepatra Lingvo. Kaj BEJO invitas ĉiujn festi kune tiun tagon per traduko de eta teksto versa aŭ proza el via gepatra lingvo al Esperanto.

Vi povas elekti senkopirajtan tekston aŭ kontakti aŭtoron laŭ via prefero, ekz-e lokan aŭtoron, kiu reprezentas vian regionon, petante al li aŭ ŝi permeson por traduki la tekston.

Ĝis la 21-a de marto BEJO publikigos la ricevitajn tradukojn en blogo speciale kreita por tiu agado. Partoprenu, ni celebru niajn gepatrajn lingvojn! Sendu la originalon kaj vian tradukon al:bejoesperanto ĉe gmail.com