Partoprenu senpage en la plej granda muzikfestivalo de Eŭropo! DEJO invitas vin de vendredo la 28-a de junio ĝis lundo la 8-a de julio. Vizitu http://roskilde.festoklubo.dk/rf13.

La Roskilde Festivalo dum pli ol 40 jaroj okazadas en Roskilde, Danujo, kaj nuntempe havas 110 000 partoprenantojn, el kiuj 27 000 estas volontuloj. Kaj el tiuj 27 000 volontuloj, ĉirkaŭ cent (espereble) estos esperantistoj.

Vi kiel volontulo laboros kvarfoje 8 horojn, do 32 horojn dum la tuta semajno. Ni donas bazejon kun sofoj, senpagan manĝon dum tuta semajno, tendojn kaj limigitan kvanton da matracoj kaj dormsakoj. Se vi volas privatecon, kunportu propran tendon.