En junio okazis la pli frue anoncita oficiala 20-hora, internacia, lingvoperfektiga E-kurso de Jagelona Universitato. Ĝi disvolviĝis plene en interreta studejo, ret-ĉeeste, realtempe.

Al la kurso aliĝis esperantistoj el 5 landoj de 3 kontinentoj: Brazilo (3 personoj), Urugvajo, Katalunio, Nederlando kaj Kongolo.

Dum la kursa kontakto la partoprenantoj montris grandan intereson pri la kulturoj de la aliaj studantoj kaj pri tiuj mem. Eksterlecione okazis du spontanaj renkontiĝoj pri interesaj detaloj koncernantaj la lingvojn kaj kulturojn de kursanoj. Ili rezultis el la bezono transdonadi al aliaj siajn interesajn informojn. Okazis ankaŭ interŝanĝoj inter personoj kun similaj profesiaj interesoj, t.e., ĉefe pri metodiko kaj organizado de E-instruado.

La partoprenantoj ankaŭ interkonatiĝis, kaj jam samsomere iuj novaj konatoj renkontiĝis.

La universitato estas fiera pro la diversaj formoj de E-instruado, realigataj en ĝi de pluraj jaroj, kaj pro la eksterlandaj partoprenantoj.

Por pliaj informoj kontaktu Maria Majerczak mmajerczak ĉe gmail.com