La 15-an de decembro 2011 Fondaĵo Cigno estis kreita kun la celo premii la informan agadon de Landa Asocio en la Eŭropa Unio, kiu plej elstaris tiukampe dum la periodo de unu kalendara jaro. Prezidas ĝin S-ino Ayako Kawakita.

La fondaĵo naskiĝis dank' al la malavara kontribuo de ŝia patro, la japana mecenato Etsuo Miyoshi. Antaŭ 16 jaroj li kreis Cigno Premion por subteni la agadon por Esperanto en la tria mondo kaj ekssocialismaj landoj.

De 2012 la premio ne plu estas aljuĝita kaj anstataŭe Fondaĵo Cigno agados por premii la informan agadon en la 27 landoj de EU.

Por pliaj informoj rigardu: http://www.facebook.com/pages/Fonda%C4%B5o-Cigno/398086216899910