Feliĉan jubileon al ĝi, TEJO-aktuale ŝanĝis sian prefikson kaj eniris la 3-an centon. TA aperis komence de 2001 kun la celo liveri tujajn, aktualajn, koncizajn informojn pri la junulara E-movado, kaj nuntempe ĝiajn dissendojn, redaktitajn de Julia Noe, sekvas ĉirkaŭ 700 personoj. Ĉiuj numeroj ekde la plej unua, legeblas ĉe http://tejo.org/ta. Ni dankas al vi, niaj fidelaj kunlegantoj. Se iu el viaj amikoj deziros same ekaboni, ni memorigas ke eblas facile fari tion per speciala skatolo en maldekstra flanko de http://tejo.org.

TEJO-aktuale ĝojos ricevi viajn kurtajn informojn pri io ajn rilata al E-junularo, per la adreso http://tejo.org/tejo-aktuale/kontaktu.php aŭ retpoŝte al tejo-aktuale ĉe tejo.org.