Dum la Zamenhofaj Tagoj en Bydgoszcz ni invitas Vin speciale partopreni kurson pri interkultura edukado en la mondo, kiun gvidos d-ro Przemyslaw Grzybowski el Universitato de Kazimiro la Granda en Bydgoszcz (http://www.grzybowski.ukw.edu.pl ). Interkultura edukado estas specifa modelo de sociala, kultura kaj kleriga agadoj. Ĝi celas reciprokan konatiĝon, kompreniĝon kaj enriĉigon de kulturoj kaj de unuopaj personoj, kiuj kunkreadas tiujn ĉi kulturojn. La ĉefa trajto de tiu ĉi edukado estas malfermo je homaj diferencoj. La preferata efiko de tiuspeca agado estas integriĝo kaj socikultura dinamikigo de diferencaj kulturaj sferoj, pere de reciproka alproksimiĝo de iliaj partoprenantoj.

Esperanto estas la unika ilo de interkultura edukado en la mondo.

Pliaj informoj: andreo ĉe rubikon.net.pl