Dankon, se vi jam aliĝis al NR/NIS.

Se ne: Ĉu vi ŝatos NR-umi ĉi-jarfine?

Saluton!

Pli ol sepdek homoj aliĝis ĝis nun al la 10-a Novjara Renkontiĝo kaj la 3-a Novjara Internacia Semajno en Bitburg, iom norde de Trier (Treviro), proksime de Luksemburgio kaj Belgio. Kiel kutime estas jam bela internacia rondo kun po kvarono el Francio, Belgio kaj Germanio kaj pliaj homoj ekzemple el Siberio, Hispanio kaj Austrio.

Junuloj kaj junaj plenkreskuloj en NIS

Al Novjara Renkontiĝo aliĝis dudeko da infanoj; kelkaj junuloj jam aliĝis al la 3-a Novjara Internacia Semajno (NIS) por junuloj kaj junaj plenkreskuloj. Jamajn aliĝintojn eblas vidi ĉe http://www.esperantoland.org/nr/partoprenantoj_nr10.php kaj http://www.esperantoland.org/nis/partoprenantoj_nis3.php.

Koncertos Kapriol'

Grandan koncerton kaj dancigajn kunvenojn ofertos al ni Kapriol' - la nova nederlanda grupo kreskinta el Kajto. Jen videoj de ili: http://web.mac.com/ad_bos/kapriolwebsite/YOUTUBE.html

Jam anoncitaj programeroj

Kolektiĝis ankaŭ dudeko da prelegoj, ekzemple pri fotado kaj pri redaktado de gazetoj, prezento de infanlibra traduko kaj koncerteto de partoprenantoj. Ĵus mi enretigis kelkajn jam anoncitajn programerojn, ĉe http://www.esperantoland.org/nr/index.shtml#programeroj_anoncitaj . Eble ankaŭ vi ŝatos prezenti ion?

Baldaŭa limdato: 11-a de decembro

Pasas la tempo, la somero varmis, ŝtormis aŭ pluvis. Venis iam autuno - kaj venos ankaŭ la venonta limdato por aliĝoj, la 11-a de decembro. (Pro peto mi ankoraŭfoje ŝovis - sed iam la ŝovemo sinkas...) Eble aliĝu antaŭe, ĉe http://www.esperantoland.org/nr

Volonte ni respondos viajn demandojn kaj eĉ pli volonte ni akceptos viajn aliĝojn :-)

Ĉion bonan

Lu Wunsch-Rolshoven

por la NR-teamo de EsperantoLand