La tuttempa tutesperanta retradio Muzaiko ekde kelkaj tagoj havas ĉiutage unu horan tutfreŝan elsendon, kio estas ludata 8-foje dum la tago, ĉiam je la 3a, 6a, 9a, 12a, 15a, 18a, 21a kaj 24a laŭ UTC.

La aliaj du horoj (kiuj ankaŭ 8-foje estas ripetataj dum la tago) estas re-elsendoj, sed neniam elsendo ludita dum la pasinta semajno!

Por aŭskulti ĝin aŭ vidi la programon vizitu la retpaĝon de http://muzaiko.info.

Ne zorgu tro, se vi havas problemojn pri aŭskulti Muzaikon, ĉar baldaŭ (espereble ene de kelkaj semajnoj) Muzaiko estos pli facile aŭskultebla en la tuta mondo!

Kaj, se vi ne nur ŝatus aŭskulti Muzaikon, sed ankaŭ helpi ĝin pere de ideoj, konsiloj, muntado, sendado de materialo, vi estas ankaŭ tre bonvena! Skribu al la retadreso: info ĉe muzaiko.info aŭ aliĝu al la retlisto: https://groups.google.com/group/retradio-projekto.