Esperantologio? Ĉu tiu scienc-branĉo ekzistas? Ĉu eblas studi pri Esperanto? Mia respondo estas: jes, ĉe UAM (Universitato Adam Mickiewicz) en urbo Poznań en la tria plej granda kaj plej fama universitato de Pollando.

Mi mem studas tie ankaŭ nun. Mi komencis miajn studojn en septembro 2010. Mi partoprenas la unu-jaran Instruistan Trejnadon, komunan programon de UAM kaj ILEI. Unue oni devas ĉeesti tie en septembro dum unu semajno por havi lecionojn pri metodiko de instruado, gramatiko kaj literaturo de Esperanto. Ekde septembro ĝis februaro de la sekva jaro okazas konsultado de la gvidaj profesoroj (mi menciu ĉefe la instruistinojn Ilona Koutny kaj Katalin Kováts), kaj memstara studado. En februaro okazas denova renkontiĝo same unu semajnon longa, sed ĉi tiam oni ankaŭ ekzameniĝas pri la dum-semestraj lernitaĵoj. Ekde februaro oni devas labori pri la finlaboraĵo post kies prezentado kaj finaj ekzamenoj oni ricevas ILEI-diplomon pri instruado. Legu pli: http://tejo.org/eo/node/1219