Karaj,

intertempe estas oficiala:

Pro multflanka deziro la 20-a MELA (MEmzorga LAg-umado) okazos aldone duan fojon, inter la SES kaj la IJS. Bedaŭrinde samtempe kiel la FESTO, sed mutaj, kiel mi, bedaŭrinde ne povos veturi al la FESTO. Ni devos anstataŭe festi inter ni en pli proksima lando, kun malpli da muziko kaj pli da lago.

7-a ĝis 16-a de aŭgusto (aldona), kaj 22-a ĝis 30-a de aŭgusto 2011 (oficiala). En la paŭzo okazos la IJS.

Informoj kiel ĉiam en la MELA-hejmpaĝo: http://www.krokodilo.de/mela/mela.php kun ligoj al raporto de la MELA (dankon, Karina!) kaj la MELA-kanto (dankon, Tomio kaj Karin!).

La MELA-paĝo estos ankoraŭ aktualigata. La PDF ankoraŭ ne pretas, sed baldaŭ. Vi vidos novan bildon de Karina kaj mi sur du krokodiloj :-) kiam ĝi aktualos.

Ligoj al elektitaj, interesaj renkontiĝoj vi trovas iom sube en la paĝo http://www.krokodilo.de/renkontiĝoj.html

Amike, espereble ĝis IJK kaj IJS, Andi