Mi ĉi jare invitas vin ĉiuj al FESTO 2011 en Kastelo Greziljono (proksime de Angers, plimalpli mezvoje inter Parizo kaj Bretonio) de la 8a ĝis la 15a de Aŭgusto!

Retrovu la saman muzikfestivalan etoson en somera vetero! Ĉi jare ne plu estos tendoj, sed tuta kastelo por ni! Koncertoj estas daŭre organizitaj de Vinilkosmo.

FESTO okazas ĉijare post SES en Slovakio, post IJK en Ukrainio, UK kaj KEF en Danio, post MIRo en Kroatio, kaj antaŭ MeLa kaj IJS en Hungario.

Mojosa loko, modesta prezo, mirinda programo, muzika etoso! Facile atingebla per trajno kaj aviadilo, Loĝado en unuopa aŭ pluropa ĉambro, en amasloĝejo aŭ sub via tendo, Ekskursoj al kulturaĵoj, sed ankaŭ al naĝejo kaj distrejoj, Ĉiunokta vasta programo ĝis la mateno, kun dancigaj koncertoj, sed ankaŭ pli kvietaj sidfajrejo en la naturo! FESTO, neforgesebla semajno.

Esperanto-kursoj okazos dum FESTO por komencintoj, sed ankaŭ por progresantoj por plibonigi konon de Esperanto. Kotizprezaj rabatoj haveblos por tiuj kiuj ŝatas helpi por organizi dum FESTO.

Ĝuu la plej favoran aliĝperiodon antaŭ la 15a de Majo! Aliĝu ĉe nia retpaĝo: http://festo.jefo.fr

Se vi havas demandojn, se vi petas informojn kaj klarigojn, sendu retpoŝton al alekĉjo ĉe gmail.com (kun C kaj X) mi plezure respondos!

plej amike, Alekĉjo, kunorganizanto de FESTO