Post iom da umado kaj kelkaj konsiloj, kiujn mi obstine ignoris ĝis la lasta minuto, tamen eblis tute laŭkonsile starigi novan stokejon kaj laborplatformon por la redaktistaro de tiama Pola Radio. Ĝi nun nomiĝas "Pola Retradio en Esperanto" kaj troviĝas ĉe Posteruso. Jen la urlo: http://www.retradio.posterous.com . La ĝisnuna amikaro ĉe Fejsbuko renomiĝis laŭe: "Amikaro de Pola Retradio en Esperanto". Oni povas rekte aŭskulti, rekte po-dosiere elŝuti, aboni laŭ la podkasta metodo. Memkompreneble vi povas ankaŭ simple viziti nian Fejsbukejon por atingi la retradion.