Torino 2011 - Kongreso por ĉiuj - kongreso por vi <br>

Jam estas tre progresintaj la preparlaboroj por la 78a Kongreso de Esperanto, kiu okazos en Torino, Italujo, de la 20a ĝis la 27a de aŭgusto 2011. <br>

Ankoraŭ du semajnoj por shpari aliĝante. <br>

La ĉefajn trajtojn de nia kongreso mi volas al vi nun resumi. <br>

La aliĝo al la kongresaj laboroj estas nun, en la unua aliĝperiodo, nur 60 eŭroj. Sed la junaj personoj (ĝis 30 jaroj), la handikapitoj kaj la eksterlandanoj pagas nur duonan kotizon, do nur 30 eŭrojn ĝis la 31a de januaro 2011. Ankaŭ loĝi kaj manĝi estas malmultekoste. Ĉiuj tiuj prezoj estas po-tagaj, sed en nia kongreso, la 7an tagon la kasisto ferias... do, se vi restas ĉiujn 7 kongresajn tagojn, vi pagos nur 6. <br>

Aliĝu nun. Vizitu la kongresajn paĝojn: http://kongreso.esperanto.it/ <br>

kaj aliĝu nun. Vi trovos tie ĉiujn kondiĉojn, la skemon de la programo, la liston de la jam aliĝintaj kongresanoj. Se vi venas el lando, de kie vi bezonas vizon al Italujo, aliĝu kiel eble plej rapide - ni tuj liveros al vi la bezonatan invitleteron: la kondiĉoj estas listigitaj en la kongresaj paĝoj. <br>

Dankon... ni atendas vin en Torino! (el INFORMITALE 164, Oficiala inform-servo de Itala Esperanto-Federacio)