karaj,
Aliĝu al la Interasocia Renkontiĝo de Esperanto ĉe Mediteraneo okazonta de la 22a ĝis la 26a de Aprilo en Sète, Francio, se vi volas profiti favoran prezon.

Kiel jam anoncite okazos koncertoj de FaMo, Jacques Yvart, Kapriol', Kaj Tiel Plu, JoMo kaj Solnishka, kaj laste aldoniĝis koncerto de la okcitana kantisto Patric, kiu jam aperis dum UK en Montpeljero.
La kleriga programo estas nun pli preciza. Ni povas jam anonci jenajn prelegojn kaj prelegantojn:
- Farri: «La okcitana, ĉu prihontinda lingvo ?»
- André Mirc kaj Michel Lafosse pri fervojoj
- Abel Montagut
- Marek Blahus
- la senidentigiluloj en Francio
- Langvedoko de prahistorio ĝis nuntempo
Dum IREM estos ofertitaj eblecoj por trapasi jenajn ekzamenojn:
- Atesto pri Kapableco (FEI)
- KER-ekzamenoj (B2 kaj C1)
La turisma programo entenas
- vizitoj al 4 malsamaj celoj vendrede ĝis lunde
- elektebleco inter 3 tuttagaj ekskursoj marde
- unu kroma ekskurso merkrede
Legu detalojn en la retejo http://esperanto.sete2011.free.fr/eo/ kaj aliĝu.