Mauro Nervi, prezidanto de la Akademio Literatura de Esperanto, estos la ĉefpreleganto de la 33-a Malferma Tago de la Centra Oficejo de UEA. Li faros du prelegojn: pri la idea esenco de la Akademio Literatura kaj pri la Esperanta kandidato por la literatura Nobel-premio Baldur Ragnarsson.
Prelgos ankaŭ Etsuo Miyoshi ("Ĉu guto malgranda traboros la monton granitan?"), Katalin Kováts (pri la nova retejo de edukado.net) kaj Heidi Goes (pri instruvojaĝo al Indonezio). Krome libroprezentoj kaj filmoj.
Oni povos profiti de rabatoj (minimume 10%) en la libroservo kaj gajni esperantaĵojn en senpaga loterio. Kafo kaj teo, senpagaj kompreneble, estos varmaj la tutan tagon. Pliaj informoj: http://www.uea.org