Ĉu vi jam scias kion fari dum la someraj ferioj? Ĉu vi emus pasigi semajnon inter multaj junaj esperantistoj, kune dancante, kantante, ludante, gustumante bongustan hungaran vinon, fervore batalante per via akvopistolo? Venu al Hungario ĉi-somere! Aliĝu al IJS!
Kadre de IJS 2010 ni planas organizi Kulturan Lingvan Festivalon, dum kiu la diversnaciaj partoprenantoj povas prezenti iun tipan nacian dancon/kanton/manĝaĵon/vestaĵon/ludon en publika loko. La celo de la festivalo estas ne nur prezenti naciajn specialaĵojn de la diversaj landoj sed ankaŭ demonstri la helpan rolon de Esperanto en la kulturaj rilatoj inter la landoj. Nia celo estas organizi grandan, amuzan aranĝon kiu allogos multajn personojn. Por tio ni petas ankaŭ vian helpon.
La urbo Pécs estas unu el la Europaj Kulturaj Ĉefurboj en 2010. Ni planas organizi iun specialan programeron al kiu kontribuus esperantistoj el la fraturboj de Pécs.
Do se vi venas el la sekvaj urboj aŭ vi konas esperantistojn kiuj vivas tie, nepre kontaktu Petra (p punkto smideliusz ĉe gmail punkto com)
La fraturboj de Pécs:
Osijek – Kroatio, Fellbach – Germanio, Graz – Austrio, Lyon – Francio, Terracina – Italio, Lahti – Finnlando, Cluj Napoca – Rumanio, Arad – Rumanio, Novi Sad – Serbio, Kütahya – Turkio, Seattle – Usono, Tucson - Usono