La kompanioj Cubana de Aviación kaj Copa Airlines estas la oficialaj flugkompanioj de la 95-a Universala Kongreso de Esperanto en Havano (17-24 julio 2010). Ambaŭ ofertas favorajn prezojn al la kongresanoj. La oferto de Cubana de Aviacion inkluzivas flugojn al Havano el 5 urboj en Eŭropo kaj 13 urboj en Ameriko, dum Copa Airlines flugas el diversaj urboj en Centra kaj Suda Ameriko kaj la Kariba regiono. Pli detalaj informoj troviĝas en la januara numero de la revuo Esperanto kaj en www.uea.org/pdf/flugreklamilo_havano.pdf (el N-ro 352 - Gazetaraj Komunikoj de UEA)