La pdf-versio de "Kontakto 2009:5" jam haveblas ĉe la Reta Jarlibro de UEA (ensalutu ĉe http://reto.uea.org/ kaj elektu la sekcion "Teko"). La ĉefa temo de la 20-paĝa (jes!) numero estas "Televido", sed, kompreneble, temos ne nur pri ĝi.

Mi varme invitas ĉiujn verkemulojn kontribui por la sekvaj numeroj, kies eventualaj temoj estos:

K-to 234, 2009:6. IDOLOJ. Rapidu pri la kontribuo!

K-to 235, 2010:1. MODERNA ARTO. Planata limdato: la 15a de januaro.

La temoj povas esti "ŝovitaj" aŭ ŝanĝitaj depende de la venintaj kontribuoj, sed neniu via artikolo estos superflua!

Krome, bonvolu atenti, ke la 1an de decembro startas la enketo, kies celo estas plibonigo de la revuo. Bonvolu viziti la paĝon kaj informi pri ĝi viajn amikojn!

Amike,

Paŭlo Moĵajev, Kontakto-redaktoro

kontakto@tejo.org