En sabato la 17a de oktobro 2009 okazos en la biblioteka salono de la Andreo Cseh-Domo (Riowstraat 172, 2585 HW Den Haag, Nederlando, telefono 070 3556677) la tradicia NGGE-Studotago. Tiam la ambasadorino de Kubo kaj respondeculo pri Edukaj Aferoj parolos al la ĉeestantoj pri la edukada sistemo en Kubo. Plie, Ana Montesinos de Gomis, konata Esperantistino el Britio prezentos ludojn kaj ludilojn por lerni pri la E-kulturo. Nia lasta programero estos telekonferenco kun reprezentanto de nia ĝemela ILEI-Sekcio en Kubo kaj ILEI-Estrarano Julián Hernández Angulo. Li parolos pri la stato de la instruado en la lando de la venontjaraj gravaj eventoj, kiaj estas UK, IJK kaj ILEI-Konferenco kaj fine de lia parolado eblos ankaw starigi demandojn al li. La programo estos kompletigita per la kutima ero 'Lingvaj demandoj' gvidata de Rob Moerbeek.
La Cseh-Domo estas atingebla de la Centra Stacidomo per la tramlinio 9 direkte al Scheveningen (1 zono). Akcepto kun kafo/teo je la 10:30. Komenco je la 11:00.
La aliĝkotizo estas EUR 5,00, kiuj estas surloke pageblaj. Ĉiel estas rekomendinde sin anonci al la adreso de la Sekretario iesperanto@versatel.nl

Informis:
Atilio ORELLANA ROJAS
NGGE-Sekretario
Riouwstraat 172
NL-2585 HW Den Haag
Nederlando