Okazos en la urbo Charqueada/SP (180 km de la ĉefurbo San-Paŭlo) de la 7a ĝis la 11a de januaro 2010 (provizore) la Novjara Renkontiĝo de Brazila Esperantista Junulara Organizo, kiu ankaŭ bonvenigus alilandanojn.

La ideo estas havi aranĝon por ke la junaj esperantistoj havu taŭgan ejon por amuziĝi kaj esperantumi en neformala etoso (por tiu iom pli formala ni havas BEJK-n kaj BKE-n).

Oni antaŭvidas lui bieneton por ke ni havu bonegan etoson por esperantumi kune. La pokapa kotizo estos ĉirkaŭ 50 realoj. Tamen, tiu kotizo estas provizora, ĉar ni serĉadas apogantojn (t.e. la urbodomo, maljunaj esperantistoj, eĉ la kaso de BEJO) por iom kovri la kostojn.

La surloka organizanto (Guilherme) bezonas scii kiom da homoj interesiĝas partopreni tian distran aranĝon. Do informu al ni konfirmante ke vi iras (aŭ montru intereson, aŭ petu informojn) per bejoesperanto ĉe yahoo.com.br, por ke oni povu lui taŭgan lokon por la koncerna nombro de interesiĝantoj.

Pli da detaloj aperos baldaŭ. Estu atenta al la ret-paĝo de BEJO:
http://bejo.esperanto.org.br

Dankegon, Felipe Queiroz
Ĝenerala Sekretario de BEJO